Luas Mandus

Ilustrasi Luas Mandus

Jalan kikénang ning
Luas mandus ditu di tukadé linggah
Adêngin mejalan, mapan abingé tegeh
Pilihin tlajakan ané keted enjekin

Yénning meserot, ento punyan kayuné gisi
Nang dingehang munyin yéhé betênan
Setata ya nganyudang lali papinehè
Tegarang pilihin ane encen patutné anyudin

Ingetang ngabe apiné ning
Sawiréh yehé dingin pesan ditu beténan
Setondénné cening ngemandusang dewék
Ento apiné anggon ngelebur daki

Anyudang ning anyudang ya i daki
Apange seken awak cening kedas
Di ulun atiné idupang apang gedé
Laut teked lantas cening di béji

Ditu kecoran yehé di béji
Ulungan ye uling pabahan
Anyudang ning anyudang sisan letehé
Apang saje preside nepuking ning

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.